Medan det internasjonale opptaket hadde søknadsfrist i desember, var fristen for EU-borgarar og Sveits 1. mars og 15. april for dei som bur i Noreg.
Den største auken i talet søkjarar finn ein til studiet Master i tverrfaglig helseforsking. Programmet, har i 2021 i alt 190 søkjarar til 45 studieplassar – ein oppgang frå 107 i 2018, 126 i 2019 og 147 søkjarar i 2020.
Det engelskspråklege masterprogrammet International Community Health ser også ein liten auke i talet søkjarar frå 2020 – frå 553 til 556 i 2021. Det same gjer den erfaringsbaserte masteren i helseleiing som aukar frå 122 til 136 søkjarar.
Nedgang i to program
Både Helsams masterprogram innan helseøkonomi – Health Economics, Policy and Mangement (HEPMA) og European Master in Health Economics and Management (EUHEM) – ser ein liten nedgang i talet søkjarar totalt sett.
Medan HEPMA har hatt ein nedgang på i alt 16 søkjarar frå 2020 – frå 743 til 727 i 2021, er nedgangen for EUHEM på 166 søkjarar – frå 533 til 367. Det er særskilt det internasjonale opptaket som for EUHEM trekkjer ned.
– I år deler ikkje EUHEM ut Mundus stipend, eit svært gunstig EU-stipend. Stipendordninga er attraktiv og genererer særskilt mange søkjarar frå land utanfor EU. EUHEM vil søkje om fornying av ordninga frå 2022, forklarar instituttleiar Terje P. Hagen.